سياسة الخصوصية
آخر تحديث: نوفمبر 2026. الصفحة دي بتوضح إيه البيانات اللي أولاد البغدادي بياخدها منك وبيستخدمها في إيه.
البيانات اللي بناخدها
- لما تطلب: اسمك، رقم موبايلك، المحافظة والعنوان، وأي ملاحظات تكتبها — عشان نوصلك الطلب ونتواصل معاك بخصوصه.
- لما تدخل بحساب جوجل (Gmail): بناخد من جوجل اسمك وإيميلك ورقم تعريف الحساب بس. مش بنشوف كلمة سر جوجل بتاعتك ولا أي حاجة تانية في حسابك.
- الدفع بالكارت (لو متاح): بيتم على صفحة شركة الدفع (Paymob) مباشرة، وإحنا مش بنشوف ولا بنحفظ بيانات الكارت.
- الكوكيز: بنستخدم كوكيز ضرورية بس لتسجيل الدخول والسلة، وإحصائيات زيارات بسيطة جوه الموقع من غير أي شركات إعلانات.
بنستخدمها في إيه
- تنفيذ الطلبات وتوصيلها ومتابعتها.
- إننا نملّى بياناتك لوحدها في الطلب الجاي ونعرضلك طلباتك القديمة.
- الرد على استفساراتك والضمان والصيانة.
مش بنعمل
- مش بنبيع ولا بنأجّر بياناتك لأي حد.
- مش بنشارك بياناتك غير مع شركة الشحن/المندوب بالقدر اللازم للتوصيل، ومع شركة الدفع لو دفعت بالكارت.
حقك في بياناتك
تقدر تعدّل بياناتك من صفحة "حسابي"، ولو عايز تمسح حسابك وبياناتك خالص كلمنا وهنمسحها. تليفون/واتساب: 01111844482 — أو في المعرض: الدقهلية، السنبلاوين، شارع البنان المتفرع من الشارع الكبير